Egrisi TV
3 weeks 6 days ago
„საქართველოს მთავრობის გადაწყვეტილებით, სოციალურად დაუცველი ოჯახებისათვის, გაგრძელდება მოხმარებული ელექტროენერგიის სუბსიდირება“,- ამის შესახებ ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს პოლიტიკის დეპარტამენტის სოციალური პოლიტიკის სამმართველოს უფრომა, თამარ კურტანიძემ განაცხადა.
„მოქალაქეების სოციალური პირობების გაუმჯობესება და მათი ხელშეწყობა ჩვენი ერთ-ერთი პრიორიტეტია. სწორედ ამიტომ, საქართველოს მთავრობის გადაწყვეტილებით, სოციალურად დაუცველი ოჯახებისათვის, გაგრძელდება მოხმარებული ელექტროენერგიის სუბსიდირება. ისინი, ვინც სოციალურად დაუცველი ოჯახების მონაცემთა ერთიან ბაზაში არიან და 70 000 ან ნაკლები სარეიტინგო ქულა აქვთ, მოხმარებული ელექტროენერგიისთვის, მიიღებენ სუბსიდიას - 1 კვტსთ-ზე 12 თეთრამდე. 70000-დან 150000-მდე სარეიტინგო ქულის მქონე ოჯახებისთვის კი განხორციელდება 200 კვტსთ-მდე ელექტროენერგიის სუბსიდირება, 1 კვტსთ-ზე 3.5 თეთრის ოდენობით. საზოგადოებისთვის ცნობილია, რომ სოციალურად დაუცველი ოჯახებისთვის ელექტროენერგიის გადასახადის სუბსიდირება 2015 წელს დაიწყო. 2022 წლიდან კი, მთავრობის გადაწყვეტილებით, პროგრამა, 70 000 და ნაკლები სარეიტინგო ქულის მქონე ოჯახებთან ერთად, იმ ოჯახებსაც ეხებათ, რომელთა ქულები 70 000-დან 150 000-მდეა. აღსანიშნავია, რომ ელექტროენერგიის გადასახადის სუბსიდირების პროგრამისთვის, 2023 წლის ბიუჯეტიდან, დაახლოებით, 12 მილიონი ლარია გამოყოფილი“,- აცხადებს თამარ კურტანიძე.
